A
Ashco
Guest
Geordie Wabster
Weel, Geordie Wabster,
Fut excuse the day?
Please sir, please sir,
It was ma muckle tae!
For comin doon by Meerton,
Wi’ naether hose nor sheen,
A muckle loupin puddock
Gart me stotter owre a stane.
I doot, Geordie Wabster,
That wunna tell!
Please, sir, please, sir,
I didna hear the bell!
For I trampit on a bee’s byke
Nae far fae Nedderbogs,
And I cou’dna hear the clapper
For the buzzin in ma lugs.
Losh, Geordie Wabster,
Fut’s this te me noo!
Please, sir, please, sir,
It wis the grunny soo!
For I wis barely roadit,
Fin oot ma mither cam’-
“Rin, Geordie, for the fusky, Aul’ Stinker’s ta’en a dwam!”
Hoots, Geordie Wabster!
Are ye gyaun gyte?
Please, sir, please, sir,
“Twis a’ ma mither’s wyte!
For she hid a maist byordnar caul’
This mornin fin she rose,
And she cou’dna get ma porridge steert
For dichtin at her nose.
I doot, Geordie Wabster,
I doot ye’re tellin lees!
Please, sir, please, sir,
“Twis mither’s new cheese!
For it connacht a’ ma stamack,
And it cam’ te sie a heicht,
I wis rowein like a bowie
In the riggin o’ the nicht.
Gweed be here, Geordie!
This wunna dae ava!
Please, sir, please, sir,
I widna like te blaw,
But the verra morn’s mornin
I’ll wauken wi’ the cock,
And come skelpin doon te Memsie
Fin it’s ringin aucht o’clock.
A’ richt, Geordie,
Ye’ll be in time the morn?
Ay sir, as sure’s the boodie’s
Watchin Hilly’s corn.
And please, sir, please, sir,
That’s nae lee ava!
We’ll let that flea, Geordie,
Stick te the wa’!
Weel, Geordie Wabster,
Fut excuse the day?
Please sir, please sir,
It was ma muckle tae!
For comin doon by Meerton,
Wi’ naether hose nor sheen,
A muckle loupin puddock
Gart me stotter owre a stane.
I doot, Geordie Wabster,
That wunna tell!
Please, sir, please, sir,
I didna hear the bell!
For I trampit on a bee’s byke
Nae far fae Nedderbogs,
And I cou’dna hear the clapper
For the buzzin in ma lugs.
Losh, Geordie Wabster,
Fut’s this te me noo!
Please, sir, please, sir,
It wis the grunny soo!
For I wis barely roadit,
Fin oot ma mither cam’-
“Rin, Geordie, for the fusky, Aul’ Stinker’s ta’en a dwam!”
Hoots, Geordie Wabster!
Are ye gyaun gyte?
Please, sir, please, sir,
“Twis a’ ma mither’s wyte!
For she hid a maist byordnar caul’
This mornin fin she rose,
And she cou’dna get ma porridge steert
For dichtin at her nose.
I doot, Geordie Wabster,
I doot ye’re tellin lees!
Please, sir, please, sir,
“Twis mither’s new cheese!
For it connacht a’ ma stamack,
And it cam’ te sie a heicht,
I wis rowein like a bowie
In the riggin o’ the nicht.
Gweed be here, Geordie!
This wunna dae ava!
Please, sir, please, sir,
I widna like te blaw,
But the verra morn’s mornin
I’ll wauken wi’ the cock,
And come skelpin doon te Memsie
Fin it’s ringin aucht o’clock.
A’ richt, Geordie,
Ye’ll be in time the morn?
Ay sir, as sure’s the boodie’s
Watchin Hilly’s corn.
And please, sir, please, sir,
That’s nae lee ava!
We’ll let that flea, Geordie,
Stick te the wa’!